Гар утсаа цэнэглэх үедээ оролдож, цахилгаанд цохиулан амиа алдсан харамсалтай хэрэг Дорноговь аймагт гарчээ.

Тодруулбал, цагдаагийн байгууллагад 2023 оны гуравдугаар сарын 8-ны 12:10 цагт Дорноговь аймгийн Сайншанд сумын нэгдсэн эмнэлэгт “Цахилгаанд цохиулсан хүүхэд ирээд нас барсан гэх дуудлага, мэдээлэл бүртгэгджээ.

Энэ талаар тус аймгийн цагдаагийн газраас шалгахад Сайншанд суманд оршин суух хаягтай, 14 настай, эрэгтэй хүүхэд уртасгагч залгуурт цэнэглэж байсан гар утсаа оролдож байгаад цахилгаанд цохиулж нас барсан. Уг хэрэгт мөрдөн шалгах ажиллагаа явуулж байна гэж Цагдаагийн Ерөнхий Газраас мэдээллээ.

Дуудлага, мэдээллийг тус аймгийн цагдаагийн газраас шалгахад тус суманд оршин суух хаягтай, 14 настай, эрэгтэй “Т” гэгч хүүхэд уртасгагч залгуурт цэнэглэж байсан гар утсаа оролдож байгаад цахилгаанд цохиулж нас барсан хэрэгт мөрдөн шалгах ажиллагаа явуулж байна.