- КОВИД-19 халдварын нөхцөл байдлын талаар,
- Гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг сунгах эсэх,
- Есдүгээр сарын 01-ний өдрөөс бүх шатны сургууль болон цэцэрлэгүүдийн үйл ажиллагааг үе шаттайгаар нээх эсэх зэрэг асуудлуудыг хэлэлцэн шийдвэрлэх талаар бид өмнө мэдээлсэн.
Тэгвэл сургууль, цэцэрлэгийн үйл ажиллагааг хугацаанд нь буюу 2020 оны есдүгээр сарын 01-нээс эхлүүлэх чиглэлийг Ерөнхий сайд БШУЯ-нд өгсөн бөгөөд Шадар сайд Я.Содбаатар ч мөн сургууль, цэцэрлэгийн засварын ажлыг хугацаанд дуусгах үүрэг өгөөд байгаа нь дээрх шийдвэртэй холбоотой хэмээн эх сурвалжууд мэдээлж байгаа юм.
Харин их дээд сургуулиудын хичээлийг 9 дүгээр сарын 14-ний өдрөөс эхлүүлэхээр болсон байна.
Коронавирусний эрсдэл өндөр байгаа ч халдварын тархалтыг дотооддоо алдаагүй учраас цэцэрлэг, сургуулийн үйл ажиллагааг нээх шийдвэрийг гаргасан байна. Ингэхдээ тодорхой зохицуулалтууд хийх бөгөөд хичээлийг зайнаас, танхимаас явуулахаар болжээ.
