Хятадад хантавирусээр өвчилсөн эр автобусанд нас барж, 32 зорчигчийг хяналтад авав

2020-03-25 13 0

БНХАУ-ын Юнань мужийн нэгэн эрээс /2020.03.23/ хантавирус илэрчээ. Тэрбээр Шандон муж руу ажилдаа автобусаар зорчиж явахдаа нас барсан байна. Мөн China’s Global Times агентлагийн мэдээлснээр, түүнтэй хамт зорчиж байсан 32 хүнийг хяналтад авч, шинжилгээ хийжээ.

Хятад эр нас барсан гэх мэдээлэл цахим орчинд тарсны дараа хүмүүс айж сандарцгаан дахин өөр нэг коронавирус үүсч тахал дэгдээх вий гэсэн түгшүүрт автаад байна. Харин мэргэжлийн хүмүүс ард иргэдийг тайвшруулан зөв мэдээлэл өгөхөөр хичээж байна.

ХАНТАВИРУС ГЭЖ ЮУ ВЭ?

Юун түрүүнд,  энэ бол корона төрлийн вирус биш. Мөн агаар дуслын замаар халдварладаггүй. Уг вирус ихэвчлэн вирус тээгч мэрэгч амьтдаас (ихэвчлэн харх) хүнд халддаг. “Амьдардаг орчны ойролцоо мэрэгч амьтан үүрлэсэн бол уг вирусээр өвчлөх эрсдэлтэй” хэмээн эрүүл мэндийн байгууллагууд сануулжээ.

Мөн хантавирус хүнээс хүнд халдсан тохиолдол маш ховор. Өмнө нь Чили болон Аргентинд халдвартай хүнтэй ойр байсан хүнд халдсан гэх цөөн баримт бий. Хүн мэрэгч амьтны ялгадас, хөеө зэрэгт хүрсэн гараараа нүд, ам, хамартаа хүрснээр халдвар авдаг учир хүнээс хүнд халдах тохиолдол маш бага байдаг гэнэ.

Хантавирусийн халдвар авсан хүнд эхэн үедээ халуурах, толгой өвдөх, булчин өвдөх, гэдэс өвдөх, толгой дүүрэх, даарах, гүйлгэх болон бөөлжих, базлах гэх мэт хоол боловсруулах эрхтэн тогтолцоотой холбоотой асуудал үүсэх шинж тэмдэг илэрдэг байна. Харин сүүл үедээ уушги шингэнээр дүүрч, амьсгал богиносох шинж тэмдэг илэрдэг ажээ.

Эх сурвалж: GLOBALTIMES.CN

Холбоотой мэдээ

13 настай хүүхэд мотоциклтой онхолдож амиа алджээ

Тээврийн цагдаагийн алба энэ долоо хоногт 676 дуудлага хүлээн авснаас зам тээврийн ослын шинжтэй

2020-04-03

Гуравхан сар ажиллах усан оргилуур чухал уу, Хүүхдийн цэцэрлэг, эмнэлэг чухал уу?

Урагшгүй ноёдын увайгүй балмад үйлдэлээс болж хайран сайхан цэцэрлэгт хүрээлэнг устаж үгүй болох

2020-04-03

14 настай дагавар охиноо хөнөөгөөд, өөрийгөө боомилж нас барсан хэрэг гарчээ

Хөвсгөл аймаг .... суманд амьдардаг 34 настай М гэгч 14 настай дагавар охиныхоо хоолойн тус газарт х

2020-04-03