Кёкүшюүзан Д.Батбаяр, Т.Баясгалан нар хилээр гарах эрхгүй боллоо

2020-02-12 57 0

УИХ-ын гишүүн асан, Кёкүшюүзан Д.Батбаяр, түүний эхнэр МУГЖ, дуучин Т.Баясгалан нар өөрсдийн болон хамаарал бүхий хүмүүсийнхээ нэр дээр байгуулсан хэд хэдэн компаниар дамжуулан, дархан цаазат Богд хан ууланд болон Яармагийн дэнжид их хэмжээний газар авч, зориулалтын дагуу ашиглаагүй, орон сууцны хороолол барьсан, байгаль орчинд нөлөөлөх байдлын нарийвчилсан үнэлгээ хийлгээгүй, хууль зөрчсөн аж.

Тэд 2014 онд газрын зөвшөөрөл авахдаа тухайн үеийн буюу Байгаль орчин, ногоон хөгжлийн яамны Тусгай хамгаалалттай нутгийн удирдлагын газарт “Ахмадын амралт, сувиллын цогцолбор барина” хэмээн төсөл танилцуулсан байна.

Энэ хэрэгтэй холбоотойгоор Нийслэлийн прокурорын газар Д.Батбаяр болон түүний эхнэр Т.Баясгалан нарт эрүүгийн хэрэг хянан шийдвэрлэх ажиллагаанд саад учруулахгүй байх зорилгоор хилийн хориг тогтоох арга хэмжээ авахуулахаар Хан-Уул дүүргийн анхан шатны шүүхэд ханджээ. Саналыг Хан-Уул дүүргийн анхан шатны шүүх энэ сарын 7-ны өдөр хэлэлцэж, таслан сэргийлэх арга хэмжээ авч, хэргийг шийдвэрлэж дуустал тэдний хилээр гарах эрхийг хязгаарлахаар болсон байна.

Хэргийг тодруулбал, Кёкүшюүзан Д.Батбаяр өөрийн төрсөн дүү Д.Аззаяагийн “Ногоон хана” ХХК-ийн нэрээр Чулуутын аманд найман га, түүний нөхөр Д.Анхбаярын байгуулсан “Том Анхаа” ХХК-ийн нэр дээр Богд уулын Арцатын аманд 8.7 га, хадам ээж Ж.Жавзандуламын дүү Ж.Жагиймаагийн нэр дээрх “Ногоон шүр” компанийн нэрээр тус аманд таван га газар авчээ. Харин Т.Баясгалан “Зэсэн тал” ХХК-иа байгуулж, Чулуутын аманд 10 га, “Гэгээн талбай” ХХК-ийн нэрээр Ташгайн аманд 21 га, “Өлзийт голын эх” компаниар дамжуулан Арцатын аманд таван га газар авсан байна.

Холбоотой мэдээ

НӨГӨӨ МУУ НЭРТЭЙ ЗАГДАА ЧИНЬ НӨГӨӨ ХЭДЭЭРЭЭ 1000 МАСК (АМНЫ ХААЛТ) ОЁУЛААД ЭМЯ-НД ХҮЛЭЭЛГЭН ӨГЧ БАЙНА

НӨГӨӨ МУУ НЭРТЭЙ ЗАГДАА ЧИНЬ НӨГӨӨ ХЭДЭЭРЭЭ 1000 МАСК (АМНЫ ХААЛТ) ОЁУЛААД ЭМЯ-НД ХҮЛЭЭЛГЭН ӨГЧ БАЙН

2020-02-17

1995-2019 онд Нийгмийн даатгалаа төлж чадаагүй иргэд дараах аргаар нөхөж төлнө

HДШ болон Нийгмийн халамжийн сангаас тэтгэвэр, цэргийн алба хаасны тэтгэвэр тогтоолгоогүй иргэд тэтг

2020-02-17

ӨДӨРТ ДУНДЖААР “САЯ МАЛ”-ЫН ГЭДЭС ДОТРЫГ ХАЯЖ БАЙНА

Улаанбаатар хотын орчимд, Эмээлтэд үйл ажиллагаа явуулж буй махны үйлдвэрүүдээс гарсан малын гаралта

2020-02-17