Австрали цэргүүд түймэрт өртсөн коала баавгайнуудыг асарч байна

2020-02-04 160

Австрали улсын зүүн хэсгийг нөмрөөд буй түймэртэй тэмцэхэд тус улсын 3000 цэрэг гал унтраагчидтай мөр зэрэгцэн ажиллаж байна.

Хэдий түймрийн хамрах талбай багассан боловч түүнийг бүрэн унтраахад их хэмжээний хүч хөдөлмөр шаардлагатай хэвээр байгаа ажээ.

Тэгвэл Австралийн армийн 9-р Бригадын хэсэг түймэртэй тэмцэх ажлынхаа хажуугаар “Cleleland” байгалийн тусгай хамгаалалттай газар амралтын өдрөө өнгөрөөж, тэнд амьдарч буй коала баавгайнуудыг асрахад туслалцаа үзүүлжээ.

Цэргүүд коалануудыг өлгийдөж, угжаар хооллосон байна

Австралийн түймэрт нийт нэг тэрбум зэрлэг амьтан устаад буй бөгөөд амьдрах оромж нь сүйдсэн, шархдаж бэртсэн амьтад “Cleleland”-ийн адил тусгай хамгаалалттай газар аж төрж буй юм.

Эх сурвалж: 9th Brigade – Australian Army , My Modern Met

Холбоотой мэдээ