УОК: 5-10 хүнтэй зохион байгуулах сургалтын төвийн үйл ажиллагааг энэ сарын 23-наас нээнэ

2021-02-21 82

УОК-ын өчигдрийн хуралдааныхаа дараа энэ сарын 23-ны өдөр бүх нийтийн хөл хориог цуцлахад албан байгууллагуудыг ямар зохион байгуулалтаар ажиллах төлөвлөгөөг танилцуулсан.

УОК-оос коронавирусийн халдварын түвшин тогтоох өнгөөр ялгасан түр журам гаргаснаа танилцуулав. Түр журамд зааснаар хоёрдугаар сарын 23-наас улсын хэмжээнд голомтын халдвар алаг цоог шар буюу II түвшинд шилжинэ.

Шар түвшний үед:

  • уралдаан тэмцээн,
  • өргөтгөсөн үзэсгэлэн худалдаа,
  • аялал зугаалга /гэр бүлээс бусад/
  • диско баар
  • цахим тоглоом, хүүхдийн тоглоомын төвүүдээс бусад үйл ажиллагааг халдвараас сэргийлэх дэглэмийг сахиулан нээхээр шийдвэрлэсэн. Ингэснээс нийт аж ахуйн нэгжийн 95 хувь нь ажиллаж эхлэхээр боллоо.

Харин танхимын сургалтын үйл ажиллагааг 3-р сарын сарын 10-наас үе шаттай нээхээр төлөвлөн ажиллаж байна гэж мэдээлэв.

Цөөн хүнтэй явуулах танхимын сургалтын үйл ажиллагааг энэ сарын 23-наас нээх үү? гэсэн сэтгүүлчийн асуултад УОК-ын хэвлэлийн төлөөлөгч Ц.Ганзориг “5-10 хүнтэй явуулах сургалтын төвийн үйл ажиллагааг ЕБС-иас үл хамаарч энэ сарын 23-наас нээнэ. Үүнд хэлний болон мэргэжлийн сургалтууд хамаарна” гэж хариулав.

Холбоотой мэдээ